Dagane går.

Ja, dagane går sakte framover og det nærmar seg infomøte der eg skal få vete meir om operasjon og tida før og etter. I dag er det tirsdag og på torsdag er det frammøte klokka 09.00. Svært spennande.

Tankane mine dreier seg mykje om dette om dagane og det er ikkje lett å konsentrere seg om så mykje anna. Rastløysa har gjort til at eg har fått gjort litt i huset og påført meg sterkare smerter i handledda. Men eg har då paracet og voltaren.

Eg kjenner meg klar for denne operasjonen no. Klar for å ta enda eit steg vidare på livstilsendringa der det no er kosten som skal bli sunnare. Det er mykje å forsake, men det skal eg jammen klare å leve med. Eg har då slutta å røyke!