Laurdagssymjing

Det er laurdag og bassenget er opent for vaksne frå kl.10.00 til 11.30. I dag var det passeleg med folk og ein kunne svømme i fred utan å dulte bort i nokon. Eg var nesten ferdig med mine 1600 meter før crossoversymjaren sette i gang med ryggsymjinga si. Trur han skal øve seg på å svømme beint bakover, ja.
Ellers talde eg og badevakta over meterane mine som er registrert i dag og kom fram til at eg har svømt 10700 meter fram til no i år. Faktisk ei heil mil. Slett ikkje verst. Det vil seie at eg er med i trekninga om svømmeforbundet sin tur til Rhodos. Heilt greitt.
Var på vekta i dag og den viste 56 blanke kilo. Det er ein bmi på 23,9. Jau, eg er normalvektig og ikkje alt for tynn, men som eg har skreve før kjenner eg meg heilt normal. Andre eg har snakka med som har teke same inngrepet kan også fortelje om stor vektnedgong, men at dette vil snu litt og stabilisere seg etterkvart. Vonar det vert slik for meg òg.

Resten av helga er det jobbing. Seinvakt i dag og dagvakt i morgon. 

Visst det vert fint vær i morgon skal eg ha meg ein liten ettermiddagstur i friskluft.